一直很想要發表一篇文章分享一下移居台灣的心得，近年有感很多在香港的朋友都打算移民台灣，或是有因為婚姻而來台的香港人，
大家在移民時關心的似乎都是移民的程序和門檻，
但都很少花時間理解當地的風土人情跟自己夾唔夾，有些朋友好不容易移民過來了，
結果發現文化差異比自己想像的多，
唔係一直搵朋友吐苦水，
就係黎左冇幾耐又返左香港，
因此筆者想要做一次總整理，
分享一下在台工作和生活的心得，
讓正準備移民的大家可以作為參考，
當然，呢篇文章目的唔係叫大家唔好移民，
只係希望大家可以有心理準備，
做好對自己的評估，
盡量排除一啲定居時會遇到既難題，
咁大家都會生活得開心啲~~~
文章入面會以我既經歷為主，
（我生活同工作地區係台灣北部，
中部同南部就要留俾其他人分享啦）
盡量放下是非對錯、好同唔好既問題，
俾大家做一個客觀評估~~~
=====我是分隔線=====
飲食篇：
剛來台灣時見到港式飲茶，多少會期待可以好似住香港時咁，得閒嘆吓茶，但港式飲茶可以話只佔台灣飲食文化入面一少部份，而且就同去到香港既法國或泰國菜一樣，
一定會迎合當地人口味作一定程度調整，
因此要有心理準備，
係台灣既飲茶一定唔會同香港完全一樣，
亦唔會好似係香港咁，日日或者每個星期都可以去，因為以台灣主流飲食文化黎講，實在有太多其他選擇，
當你望住自己每個月既生活費，你就會知道要點揀啦~~~
比較可以常食既可能係台式燒臘便當，油雞飯係解鄉愁既安全牌，如果想要口袋名單，可以私下搵我🙈
人際關係篇：
以前係香港時，有唔開心的，搵大學莊友或者教會朋友飲吓茶食吓tea傾一傾，就會好好多，
但黎到台灣要有心理準備，
職場既同事、新認識既朋友自己本身都已經有緊密既朋友圈，可能係國中高中大學同學，
佢哋搵人傾時真係唔駛搵你，
而你需要朋友時就需要主動出擊~
以筆者認識三個身處唔同國家既朋友仔黎講，
呢一點似乎係全球新移民既共同問題，
冇得避~如果你唔主動搵人，
分分鐘真係會陷入冇人理既困境，
尤其台灣注重「人情味」既地方，
係初相識時大家可能都會因著「團體」意識既原故，有一啲日常生活上既關懷，
但漸漸你會發現，新移民識朋友其實真係有困難，普通朋友/點頭之交會很多，
但要再深入暸解或認識，
真係一人難求~
本身成年人要發展友誼就係有難度的，
唔會似以前係香港後生細/仔女時咁容易，
所以要有心理準備，自己對朋友既需求有幾多、有哪一些團體和個人值得自己投入時間用心經營，真係唔掂時可以考慮加入香港人既社群，
相信會好好多~~~
講多少少人際關係，我識得既台灣朋友好少會以約出黎一齊飲茶吹水既方式調解壓力，
大家比較多用其他方式，例如運動、發展興趣、煮野食等等紓解壓力，話多了我身邊朋友大部份都會頂唔順，我以前剛黎時好辛苦一個點就係好多野想講但都要監生吞返落去，或者縮短成兩三句帶過，不過後黎適應了，也逐漸學會用搵人傾以外既紓壓方式，加上我係學counseling既，
多少會識得開解自己，不過當然亦渴望有可以傾既朋友，只係最近感謝神一切安好，
而可以托住我emotion既朋友亦未出現~
另一方面，可以參考一下日劇，學一下「含蓄」之美，這需要花時間學，例如係保持笑容既情況下宣告壞消息、係client面前因應客戶既身份地位給予一些規矩之外既優待、
如何係唔會打破人哋玻璃心既情況下跟別人達成共識，要有心理準備都需要時間學，
有需要既話歡迎隨時私下msg我傾吓🙂
以下係俾基督徒朋友既：
要有心理準備，小組唔一定可以暢所欲言，
因為時間有限，每人代禱事項兩三句小組可能就會完，友誼需要係小組外既時間私下經營，我已經經歷四間教會而且福音派同偏靈恩既都去過，四間既小組大致上都係咁；
另外台灣既牧者一般都會prefer在地人，因為台灣比香港大很多，大埔出尖沙咀可能好方便，
但同樣距離應用係台灣就唔同講法啦~
就算真係travel到，因著離家遠或近，
會直接影響教會服事程度和教會活動參與度，
例如好自然既新北市教會leader唔會搵一個住新竹上黎聚會既組員當小組長，因為住新竹要關心住新北市既組員係好難既事，除非好付代價願意半夜開車出新北市或者係新北市有住既地方，否則真係好難~
所以個人覺得教會最好愈近愈好，咁當然都要教會適合自己先得，求主引領~~~
崇拜模式方面，靈恩派和福音派既風格和恩賜都有明顯差別，宗派之間文化差距都大，但一個一直都係福音或基要派既教會，都可能有帶出偏靈恩風格既牧者，我估大家都明~
一面禱告一面搵教會，願主幫助大家早日找到屬靈的家~
以上分享，記得上面分享主要北部應用，中部南部既生活就等其他人補充啦~
希望呢篇分享對大家有幫助，
想搵我私下傾既歡迎留言：https://lin.ee/fNnZ1hO
Thank you~God bless
